အေးစက်နေသောဆောင်းညချမ်းတွင်တိုက်ခက်နေသောလေပြေအေးလေးများ၏ခေါ်ဆောင်ခြင်းခံခဲ့ရသောအေးစက်မှု၏နောက်ကွယ်တွင်သာယာသောသံစဉ်ကလေးများပျံ့လွင့်နေသည်။တေးသံကသာယာသလောက်ထိုသာယာမှုကိုရက်စက်သောအဖြစ်အပျက်တစ်ခုကဖုံးလွှမ်းသွားသည်။
"မိန်းကလေးခဏ"
မိမိကိုခေါ်လိုက်သောအသံကြောင့်ရှီလာထွန်းတစ်ယောက်လှည့်ကြည့်လိုက်သည်။ထိုလူကြီး၏မျက်လုံးကရက်စက်မည့်ပုံပေါ်နေသည်ကိုသတိထားမိလိုက်သည်။
"ကျွန်မဘာကူညီပေးရမလဲ"
"ငါကအကူအညီမလိုဘူးလိုတာကနင့်ရဲ့ပန်းချီကားပဲပေးလိုက်ပါမိန်းကလေး"
"အို..ဘာအတွက်ပေးရမှာလဲဒါကျွန်မတို့တန်ဖိုးထားခဲ့တယ့်ပစ္စည်းဦးလေးနဲ့မဆိုင်ဘူး"
"ငါကောင်းကောင်းပြောနေတုန်းပေးလိုက်ရင်နင်သက်သာမယ်နော်"
ပထမသူပြေးရန်ကြံသော်လည်းမရပေလူအနည်းငယ်ပျက်သောနေရာပင်ဖြစ်နေသည်။ပြေးပေါက်ပိန်နေသည်။လူကြီးကတစ်ဖြေးဖြေးသူ့နားသို့တိုးတက်လာနေတော့သူဘယ်လိုလုပ်ရမလဲမသိပေ။
"ရှင်အော်လိုက်မှာနော်"
"ကြာပါတယ်ကဲ...မိန်းကလေးဒီမှာကြည့်"
လရောက်မှိုန်မှုန်လေး၏အောက်တွင်လက်ခနဲအရောင်လက်သွားသောဓားသွားကြောင့်ရှီလာထွန်း၏မျက်နှာမှာကြောက်လန့်နေဟန်ရှိသည်။သိုသော်ပန်းချီကားကိုကျစ်ကျစ်ပါအောင်ကိုင်ထားသည်။
"ပေးလိုက်ပါငါမလုပ်ချင်ဘူးမိန်းကလေး"
"ဟင့်အင်မပေးဘူးလုံးဝပဲ"
"ရတယ်လေဒါဆိုလဲ....ရော့"
အရှိန်နှင့်ဝင်ရောက်လာသောဓားသွားကသူ၏ဝမ်းဗိုက်ကိုအတားအဆီးမရှိတစ်ချက်ပြီးတစ်ချက်နောက်ဆုံးသွေးတွေကမြင်မကောင်းအောင်ထွက်လာကာခွေ၍လဲကျသွားသည်။လက်တွင်ကိုင်ထားသောပန်းချီကားကိုတော့သေချာသူကိုင်ထားသည်။သို့သော်အားသန်လှသောလူကြီး၏လက်ကြောင့်ပန်းချီကားကတော့ပါသွားပေသည်။နောင်ဆုံးသူခံစားမိသည်ကအေးမြသောလမ်းမ၏အထိအတွေ့နဲ့ဘုရားကျောင်းမှထွက်ပေါ်လာသောခေါင်းလောင်းသံပင်ဖြစ်ပေသည်။သူ၏နောက်ဆုံးထွက်သက်သည်လည်းဆောင်းလေအေးတို့နောက်ကိုလိုက်ပါသွားပေသည်။
"ဟားဟားအောင်ပြီကွ.....ဟားဟား"
အေးစက်စက်ရက်စက်စွာရီမောသံနှင့်အတူအရက်သေက်နေသောလူနှစ်ယောက်ကိုမြင်နိုင်ပေသည်။
"ခင်ဗျားတော်တယ်ဦးသီဟ"
"ရပါတယ်ဆရာလေးကျွန်တော်အပြစ်ခံပြီးရင်ကျွန်တော့်တာဝန်ကျေပြီနော်"
"ကောင်းပြီဗျာခင်ဗျားလွတ်လာရင်ဝေစုတစ်ပုံကအဆင်သင့်ပဲခုလည်းခင်ဗျားမိသားစုကိုစောင့်ရှောက်ပေးထားမယ်"
"ကျွန်တော်ယုံပါတယ်...ဒီမှာပန်းချီကား"
လောဘမျက်လုံးများအရောင်လက်သွားသည်။တုန့်ဆိုင်းမနေပဲသူပန်းချီကားကိုယူလိုက်ပြီးအမြန်ပြန်ရက်လုပ်လိုက်သည်။
"ကျုပ်ပြန်မယ်ဦးသီဟ"
"ဟုတ်ကဲ့ဆရာလေး"
လူလတ်ပိုင်းအသက်၂၅နှစ်ခန့်ရုပ်ရည်ပြေပစ်သောဒေးဗစ်တစ်ယောက်ခပ်မြန်မြန်ထွက်သွားပြီးသိပ်မကြာလိုက်ပါကားစက်နှိုးသံကိုဦးသီဟကြားလိုက်သည်။ရုတ်တစ်ရက်လေကြောင့်ဝုန်းခနဲပွင့်သွားသောတံခါးကိုသွား၍ဦးသီဟပိတ်စဉ်အရှိန်ဖြေးဖြေးမောင်းသွားသောဒေးဗစ်၏ကားကိုကြည့်လိုက်သောအခါကောင်မလေးတစ်ယောက်သူ့ကိုပြုံးပြသွားသည်ကိုမြင်လိုက်သည်။
အံ့ဩတုန်လှုပ်သည့်အပြင်ကြက်သီးများလည်းထသွားသည်။
"ဟာ....ဒါ..ဒါ..."
ထိုကောင်မလေးမှာတစ်ခြားသူမဟုတ်သူသတ်လိုက်သောရှီလာထွန်းပင်ဖြစ်ပေသည်။
ရေချိုးခန်းသံမှရေကြသံသဲ့သဲ့နှင့်အတူဒေးဗစ်တစ်ယောက်ရေချိုးရင်းပြန်မြင်ယောင်မိနေသည်။
"မောင်ရှီလာ့ကိုချစ်လားဟင်"
"ချစ်တာပေါ့ရှီလာရယ်အရမ်းချစ်တယ်"
ဘုရားကျောင်းကြီးတွင်အတူတူဘုရားရှစ်ခိုးဓမ္မတေးများသီဆိုသည့်နေ့ကိုသူမြင်ယောင်မိသည်။သို့သော်ပစ္စည်းဥစ္စာလိုချင်မှုလောဘကြောင့်သူအချစ်ကိုစွန့်လွှတ်မိပြီဖြစ်ပေသည်။
"သားမင်းကောင်မလေးရှီလာထွန်းတို့အိမ်ကပန်းချီကားကိုမင်းဘယ်လိုထင်လဲ"
"ဪ..သူတို့အိမ်ဧည့်ခန်းကပန်းချီကားလားတော်တော်လက်ရာမြောက်တယ်ကြည့်လဲကောင်းတယ်"
"ဒါပဲလားသား.."
"ဒါအပြင်ဘာရှိသေးလဲသိလား."
"ဟင်ဘာရှိသေးလို့လဲအဖေ.."
"အေးအဲဒီပန်းချီကားရဲ့နောက်မှာအံဝှက်နဲ့ကွအဲဒီထဲမှာရတနာမြေပုံရှိတယ်ကွသူ့လူယုံတော်ကိုအပိုင်ပေါင်းပြီးမေးထားတာ"
"ဒါဆိုအဖေခုလိုဖြစ်သွားတာအဲတာနဲ့ဆိုင်တာလား"
"အေးငါကြိုးစားခဲ့တာအဲဒီမြေပုံမရခဲ့ဘူးခုလိုမသန်မစွမ်းဖြစ်ခဲ့တယ်မင်းရအောင်ယူရမယ်ငါ့သား"
သူအဖေမသေခင်ပြောခဲ့သောစကားကိုလည်းပြန်လည်ကြားရောင်နေမိသည်။သူသက်ပြင်းရှည်ကြီးတစ်ချလိုက်ပြီးရေပိတ်လိုက်သည်။ထို့နောက်တစ်ယောက်ထဲ
"ငါလုပ်တာမှန်တယ်....မှန်တယ်..."
မနက်ဖြန်ညသူရတနာများတူးယူရန်ဆုံးဖြတ်လိုက်သည်။ပန်းချီကား၏နောက်ကျောဘက်ကိုသူ့အဖေပြောသည့်အတိုင်းဓားဖြင့်ခွဲ၍ကြည့်လိုက်သောအခါမြေပုံတစ်ခုကိုတွေ့၏။သူအရမ်းဝမ်းသာသွားပြီးမြေပုံကိုယူလိုက်ကာသေချာအောင်သူ့ခေါင်းအုံးထဲထည့်ကာအိပ်လိုက်သည်။ည၂နာရီခန့်....
ခွေးတစ်ကောင်၏ဆွဲဆွဲငင်ငင်အူလိုက်သောအသံကြောင့်သူလန့်နိုးသွားသည်။
"တောက်.......ခွေးကလည်းကွာ"
သူ့အခန်း၏ပွင့်နေသောတံခါးတစ်ချပ်ကြောင့်လေအေးများတိုးဝင်၍ပြန်မအိပ်နိုင်သဖြင့်တံခါးကိုပိတ်လိုက်သည်။ထို့နောက်သူ့စားပွဲပေါ်တွင်တင်ထားသောပန်းချီကားကိုယူလိုက်ပြီးသေချာကြည့်လိုက်သည်။
"လက်ရာတော်တော်မြောက်တာပဲ"
"ဝုန်း........."
"ဟင်..."
အိမ်၏အောက်ထပ်မှတစ်ခုခုပြုလဲသံကြောင့်သူလန့်သွားမိသည်။
"ဘယ်သူလဲ...."
ဖြေကြားခြင်းမရှိတိတ်ဆိတ်နေသဖြင့်သူအိမ်အောက်ထပ်သို့သွားကြည့်ရန်လုပ်လိုက်သည်။ကြောင်နစ်ကောင်၏အော်သံကိုကြားလိုက်ရသဖြင့်အမြန်ပြေးသွားလိုက်သည်တွေ့လိုက်ရသောမြင်ကွင်းမှာကား......
သူ့ဘက်ကိုကျောပေးရပ်နေသောလူတစ်ယောက်ကိုမသဲမကွဲမြင်လိုက်သဖြင့်သူကြက်သေသေဖြစ်သွားသည်။
"ဘယ်သူလဲ...."
မည်သို့မှတုန့်ပြန်မှုမရှိသောကြောင့်သူစိတ်တိုကာပါးခုံးကိုလှမ်း၍ကိုင်လိုက်သည်။ထိုသူ၏အေးစက်စက်လက်ကြီးကသူ့လက်ကိုပြန်လည်ကိုင်၍ထိုသူမှာတစ်ဖြေးဖြေးလှည့်လာပြီးပြုံးပြလိုက်သည်။ပါးစပ်မှာလည့းသွေးတွေနဲ့လန့်သွား၍သူနောက်သို့လဲကျသွားသည်။
"နင်.....နင်....သေပြီမဟုတ်ဖူးလား"
"ကိုကရှီလာသေတာသိနေတယ်ပေါ့...."
အသံကအက်ကွဲကွဲစူးရှရှနှင့်အရင်ကထက်ဩနေသည်။
"မလာနဲ့ငါ့နားကိုမလာနဲ့...."
"ဟားဟား....ခုမှမလာနဲ့ဟုတ်လား"
"မလုပ်ပါနဲ့......"
အေးစက်နေသောလက်ကသူ၏လည်ပင်းကိုတင်းကြပ်စွာဖစ်လိုက်သဖြင့်သူမျက်လုံးများပြာဝေသွားသည်။
"မလုပ်နဲ့....အ...."
သူနောက်ဆုံးကြံမိကြံရာသူ၏လည်ပင်းတွင်ဆွဲထားသောလက်ဝါးကပ်တိုင်ကိုယူကာရှီလာထွန်းကိုဖိလိုက်သည်။စူးစူးဝါးဝါးအော်သံကြီးကတော်ရုံလူဆိုလျှင်လိပ်ပြာလွင့်စေလိမ့်မည်။
"အားးး......နင်ကို့ဘယ်တော့မှမကျေဘူးငါပြန်လာပြီးနင့်ကိုသက်ပြမယ်"
ဒေးဗစ်၏အသက်ရှုသံမှာဖားတစ်ကောင်လိုပိန်လိုက်ဖောင်းလိုက်ပင်ဖြစ်နေသည်။တုန်တုန်ရင်ရင်နှင့်လက်တွင်ကိုင်ထားသောလက်ဝါးကပ်တိုင်ပါဆွဲကြိုးလေးပါလွတ်ကြသွားသည်။
♨ ♨ ♨ ♨ ♨ ♨ ♨ ♨ ♨ ♨ ♨
နောက်နေ့ည၁၂နာရီတိတိ......
ဒေးဗစ်တစ်ယောက်စိတ်လှုပ်ရှားမိနေသည်။သွားမလားမသွားဖူးလားကိုယ့်စိတ်ကိုဝေခွဲမရဖြစ်နေသည်။သူနောက်ဆုံးတွင်ပစ္စည်းကရိယာကိုယူကာသွားရန်ဆုံးဖြတ်လိုက်သည်။မြေပုံပါအရဘုရားကျောင်း၏မလှမ်းမကမ်းသချိုင်းဟောင်း၏ဒေါ်ခရစ်စတီးနားအသက်များ၇၀နှစ်ခုရေးထားသောအုတ်ဂူထဲတွင်ရှိကြောင်းဖော်ပြထားသဖြင့်သူသွားရန်ဆုံးဖြတ်လိုက်သည်။ဘုရားကျောင်းရှေ့မှဖြတ်သွားရသဖြင့်သူခဏရပ်ကာဘုရားသခင်ကိုတိုင်တယ်လိုက်သည်။
"အဖဘုရားသခင်...ကိုယ်တော်၏သန့်ရှင်းသောဝိညာဉ်တော်ကျွန်ုပ်ပေါ်သို့သက်ရောက်ပါစေ"
မကောင်းမှုပြုလုပ်မည့်ဟန်ပြင်သော်လည်းသခင့်ကိုတိုင်တယ်သွားသေးသည်။သချိုင်းဟောင်းတွင်မီးရောင်လဲ့လဲ့ကိုမြင်နိုင်ပေသည်။ထို့အပြင်တစ်ခုခုကိုရိုက်ဖွင့်သံကိုလည်းအဆက်မပျက်ကြားနေရသည်။
"တောက်မာလိုက်တာ..."
တစ်ချက်သူစောင့်ထုလိုက်သောအခါအုတ်ဂူမှာပွင့်သွားသည်။အခေါင်းတစ်ကိုကိုသူတွေ့လိုက်ရသဖြင့်တူဖြင့်ရိုက်ဖွင့်လိုက်သည်။လက်ဖြင့်သူစမ်းကြည့်သောအခါစီးကပ်ကပ်မာကျောကျောအရာများကိုစမ်းမိသည်။
"ဟာဘာတွေလဲ....."
သူသေချာကြည့်လိုက်သောအခါအနီရောင်သွေးများပင်ဖြစ်သည်။
"ဟာ....."
"ဟားဟားဟား......"
အခေါင်းထဲမှရယ်သံကကျယ်လောင်စွာပေါ်ထွက်လာသည်။
"နင်ငါ့လက်ကပြေးမလွတ်ပါဘူးဒေးဗစ်"
"ဟာ..နင်..မလုပ်နဲ့နော်..မလုပ်နဲ့.."
သူကြောက်အားလန့်အားနှင့်ပြေးသွားလိုက်ရာတောင်ကုန်းပေါ်မှတစ်လိမ့်ကောက်ကွေးပြုတ်ကျသွားသည်။
"အား........."
သိပ်မမြင့်သော်လည်းအောက်မှာကားလမ်းဖြစ်သောကြောင့်တော်တော်နာသွားသည်။သူနာတာကိုသတိမထားပဲအပေါ်သို့မောကြည့်လိုက်သည်ခန္ဓာကိုယ်ကြီးလေပေါ်သို့မြောက်တက်၍လာနေသောရှီလာထွန်းကိုမြင်သဖြင့်ပြေးလိုက်ချိန်တွင်အဝါရောင်မီးရောင်နှင့်အရှိန်ဖြင့်မောင်းနှင်လာသောကားတစ်စီးနှင့်အတူသူတိုက်မိကာသေလုဆဲဆဲသွေးအိုင်ထဲတွင်မျက်လုံးကစိုးရိမ်တစ်ကြီးတစ်နေရာကိုကြည့်လျက်ငြိမ်သက်သွားသည်။နောက်နေ့သတင်းစာထဲတွင်လူသက်သမားနှင့်သူနှင့်ဆက်နွယ်သူတို့တစ်ချိန်ထဲတွင်သေဆုံးဟူသောသတင်းသာဖြစ်ပေတော့သည်။